پی ایس ایل 8: کنگز کا زلمی کیخلاف ٹاس جیت کر بولنگ کا فیصلہ

پاکستان سپر لیگ (پی ایس ایل) 8 کے دوسرے میچ میں پشاور زلمی کی کراچی کنگز کے خلاف بیٹنگ جاری ہے۔ 

نیشنل اسٹیڈیم کرکٹ ایرینا میں کھیلے جارہے اس میچ میں کراچی کنگز کے کپتان عماد وسیم نے ٹاس جیت کر پشاور زلمی کو پہلے بیٹنگ کرنے کی دعوت دی۔

اننگز کے آغاز میں پشاور زلمی کو مشکلات کا سامنا کرنا پڑا جہاں اسے 16 کے مجموعے پر ہی دو اہم وکٹوں کے نقصان کا سامنا کرنا پڑا۔ 

محمد حارث 10 رنز بنا کر میر حمزہ کی گیند پر ایل بی ڈبلیو آؤٹ ہوئے جبکہ صائم ایوب ایک رنز بنا رن آؤٹ ہوگئے۔ 

ایسے میں کپتان بابر اعظم اور ٹام کوہلر کیڈمور نے شاندار پارٹنرشپ بنا کر ٹیم کو بڑے اسکور کی جانب گامزن کیا۔ کیڈمور نے 28 گیندوں پر اپنی نصف سنچری مکمل کی۔

نیشنل اسٹیڈیم کرکٹ ایرینا میں کھیلا جانے والا یہ میچ دونوں ٹیموں کے لیے ایونٹ کا پہلا میچ ہے۔ 

ہوم ٹیم کراچی کنگز عماد وسیم کی کپتانی میں میدان میں اتری جبکہ دیگر کھلاڑیوں میں شرجیل خان، بین کٹنگ، حیدر علی، شعیب ملک، قاسم اکرم، میتھیو ویڈ، اینڈریو ٹائے، محمد عامر، عمران طاہر اور میر حمزہ شامل ہیں۔ 

پشاور زلمی اب بابر اعظم کی کپتانی میں پہلی مرتبہ میدان میں اتری ہے۔ دیگر کھلاڑیوں میں محمد حارث صائم ایوب، ٹام کوہلر کیڈمور، بھانوکا راجاپکسے، شکیب الحسن، جمی نیشم، وہاب ریاض، خرم شہزاد، سلمان ارشاد اور سفیان مقیم شامل ہیں۔

بشکریہ جنگ