پی ایس ایل 8: پلیئر ڈرافٹ کے پک آرڈر کو حتمی شکل دیدی گئی

پاکستان سپر لیگ (پی ایس ایل) 8 کے پلیئر ڈرافٹ کے پک آرڈر کو حتمی شکل دے دی گئی۔

پلیئر ڈرافٹ کا پک آرڈر رینڈم ڈرا کے ذریعے کیا گیا ہے، دفاعی چیمپئن لاہور قلندر کی پلیئر ڈرافٹ میں پہلی پک ہوگی۔

پلیئر ڈرافٹ میں دوسری کوئٹہ گلیڈی ایٹرز اور تیسری ملتان سلطانز کی پک ہوگی۔

اس طرح چوتھی پک کراچی کنگز، پانچویں اسلام آباد یونائیٹڈ اور چھٹی پک پشاور زلمی کی ہوگی۔

ٹورنامنٹ ڈائریکٹر عثمان واہلہ نے کہا ہے کہ غیر ملکی کھلاڑیو ں کے رجسٹریشن کھول دی گئی ہے، جس میں رسپانس بہت اچھا ہے۔

انہوں نے مزید کہا کہ پی ایس ایل 8 کے میچز چار وینیوز کراچی، لاہور، راولپنڈی اور ملتان کے اسٹیڈیمز میں ہوں گے۔

عثمان واہلہ نے یہ بھی کہا کہ پی ایس ایل پلیئر ڈرافٹ کی تفصیلات کا اعلان جلد کیا جائے گا۔

بشکریہ جنگ