پی ایس ایل کے دوران اسلام آباد یونائیٹڈ کو دھچکا
پاکستان سپر لیگ کے دوران اسلام آباد یونائیٹڈ کی ٹیم کو بڑا دھچکا لگ گیا۔
انگلینڈ سے تعلق رکھنے والے اسلام آباد یونائیٹڈ کے فاسٹ بولر ٹائمل ملز انجری کی وجہ سے پی ایس ایل میں شرکت نہیں کر پائیں گے۔
ذرائع کے مطابق فاسٹ بولر کو انگلینڈ میں ٹریننگ کے دوران انجری ہوگئی ہے۔
اس حوالے سے ذرائع کا کہنا ہے کہ انگلینڈ کے کرکٹر کی ایک پرانی انجری دوبارہ بگڑی ہے۔
ٹائمل ملز کو اسلام آباد یونائیٹڈ کو آخری 5 میچز کے لیے 27 فروری کو جوائن کرنا تھا۔
اسلام آباد یونائیٹڈ کے نوجوان فاسٹ بولر ذیشان ضمیر بھی فٹنس مسائل کا شکار ہیں۔
دوسری جانب کولن منرو نے فٹنس ٹیسٹ کلیئر کرلیا ہے، ان کی ایکسرے رپورٹ کلیئر آئی ہے اور وہ اگلے میچ کے لیے دستیاب ہوں گے۔
کولن منرو کو لاہور قلندرز کے خلاف میچ میں گیند لگی تھی۔
واضح رہے کہ اسلام آباد یونائیٹڈ اپنا اگلا میچ جمعہ کو کراچی کنگز کے خلاف راولپنڈی میں کھیلے گی۔
Comments are closed.