پی ایس ایل کا معیار بہت بلند ہے، ٹم ڈیوڈ

پاکستان سپر لیگ (پی ایس ایل) کی فرنچائز ملتان سلطانز میں شامل سنگاپور کے ٹم ڈیوڈ نے کہا ہے کہ پی ایس ایل کا معیار بہت بلند ہے۔ 

جیو نیوز سے بات کرتے ہوئے جارح مزاج بلے باز کا کہنا تھا کہ پی ایس ایل 7 کے ایڈیشن میں اب تک میں لطف اندوز ہورہا ہوں۔

انہوں نے بتایا کہ پی ایس ایل میں غیرملکی کھلاڑیوں کی بڑی تعداد موجود ہے ان سے سیکھنے کی کوشش کررہا ہوں۔

ٹم ڈیوڈ کا کہنا تھا کہ مجھے گزشتہ ایک برس میں بہت سی لیگز میں کھیلنے کا موقع ملا ہے، ہر مقابلے کے اپنے چیلنجز ہیں، لیکن پی ایس ایل کا معیار بہت بلند ہے۔

انہوں نے کہا کہ پی ایس ایل میں کئی بہت اچھے فاسٹ بولرز ہیں ان کی اسپیڈ زیادہ ہے، یہ بھی ایک بہت بڑا چیلنج ہے۔

بشکریہ جنگ