پی ایس ایل میں ڈانس پرفارمنس سے مشہور واصف غفور کا شاندار استقبال

پاکستان سپر لیگ (پی ایس ایل) میں ڈانس پرفارمنس سے مشہور ہونے والے واصف غفور کی گھر پہنچ گئے۔

واصف غفور کا 2 ہفتے بعد میر پور خاص میں گھر پہنچنے پر شاندار استقبال کیا گیا۔

پی ایس ایل میں اپنی شاندار ڈانس پرفارمنس دینے والے واصف غفور نے گھر کے سامنے بھی اسے دہرایا۔

اس موقع پر میڈیا سے گفتگو میں واصف غفور نے کہا کہ پورے پاکستان نےجو پیار دیا اس پر شکر گزار ہوں۔

انہوں نے کہاکہ پی سی بی مجھےپلیٹ فارم دے تاکہ شائقین کو محظوظ کرتا رہوں، بورڈ نے لاہور بلانے کے لیے بھی رابطہ کیا ہے۔

واضح رہے کہ واصف غفور نے پاکستان سپر لیگ (پی ایس ایل) کے سیزن سیون کے میچ کے دوران اسٹیڈیم میں پی ایس ایل ترانے ’آگے دیکھ‘ پر شاندار ڈانس مووز سے سب کو اپنا دیوانہ بنالیا تھا۔

واصف غفور نے جیو نیوز کے پروگرام ’جیو پاکستان‘ میں گفتگو کرتے ہوئے انکشاف کیا تھا کہ وہ کرکٹ کے دیوانے ہیں اور ضلع میرپور خاص سے انڈر 19 کرکٹ کھیل چکے ہیں۔

بشکریہ جنگ