پی آئی اے مالی بحران معاملہ میں اہم پیشرفت، بینکوں سے 7.5 ارب ملنے کی امید

پاکستان انٹرنیشنل ایئرلائنز (پی آئی اے) کے مالی بحران کے معاملے پر وزارت خزانہ، کمرشل بینکس اور پی آئی اے حکام میں مذاکرات میں اہم پیش رفت ہوئی ہے۔ 

ذرائع کا کہنا ہے کہ حکومتی ضمانت پر پی آئی اے کو بینکوں سے 7.5 ارب روپے ملنے کی امید ہے، 3 بینکوں سے حکومتی قرضے پر آئندہ دو سے تین روز میں حتمی فیصلہ متوقع ہے۔

قرضہ ملنے کی صورت میں ملازمین کو وقت پر تنخواہوں کی ادائیگی ممکن ہو سکے گی جبکہ قرض ملنے کے بعد ایندھن کی ادائیگیوں کے توازن میں بھی بہتری آئے گی۔

ذرائع نے بتایا کہ انٹرنیشنل فلائٹس اور زیادہ ریونیو سیکٹر پر پروازوں کی تعداد بڑھائی جائے گی۔

ذرائع کا یہ بھی کہنا تھا کہ قرض کے حصول سے مالی مشکلات دور کرنے میں مدد ملے گی۔

ایندھن کی کمی سے اندرون اور بیرون ملک کی آج 32 پروازیں منسوخ ہوئیں۔

بشکریہ جنگ