پیپلز پارٹی کے ایم این اے جام عبدالکریم کا نام ای سی ایل میں ڈالنے کا فیصلہ

وزارت داخلہ نے ناظم جوکھیو قتل کیس میں نامزد ملزم پاکستان پیپلز پارٹی کے ایم این اے جام عبدالکریم کا نام ایگزٹ کنٹرول لسٹ (ای سی ایل) میں ڈال دیا گیا۔

وزیر داخلہ شیخ رشید کی زیرصدارت کابینہ کی ای سی ایل کمیٹی کا اجلاس ہوا، جس میں پیپلز پارٹی کے ایم این اے جام عبدالکریم کا نام ای سی ایل پر ڈالنے کا فیصلہ کیا گیا۔

پولیس نے ناظم جوکھیو قتل کیس کے چالان میں جام عبدالکریم کو مفرور قرار دیا تھا حفاظتی ضمانت کی درخواست میں موقف اختیار کیا گیا ہے کہ جام عبدالکریم کیس میں مفرور اور دبئی میں مقیم تھے ۔

اعلامیے کے مطابق جام عبدالکریم کا نام ناظم جوکھیو قتل کیس میں نامزد ہونے کے باعث ای سی ایل میں ڈالا گیا ہے۔

وزارت داخلہ کا کہنا ہے کہ ایف آئی اے کو جام عبدالکریم کا ریڈ وارنٹ جاری کرنے کی ہدایت بھی دے دی گئی۔

اعلامیے کے مطابق اجلاس میں وفاقی وزیر قانون فروغ نسیم بھی شریک ہوئے۔

بشکریہ جنگ