پیپلز پارٹی کی ایم کیو ایم کو بڑی پیشکش

پاکستان پیپلز پارٹی (پی پی پی) نے اپوزیشن کا ساتھ دینے کی صورت میں متحدہ قومی موومنٹ (ایم کیو ایم) پاکستان کو بڑی پیشکش کردی۔ 

ذرائع کا کہنا ہے کہ پاکستان پیپلز پارٹی نے ایم کیو ایم کو سندھ کی گورنر شپ دینے کی پیشکش کردی۔ 

ایم کیو ایم کے وفد میں خالد مقبول صدیقی، بیرسٹر فروغ نسیم،امین الحق ، خواجہ اظہار الحسن، عامر خان، وسیم اختر، جاوید حنیف، اورصادق افتخار شامل تھے۔

ذرائع نے بتایا کہ ایم کیو ایم کو سندھ کابینہ میں مناسب حصہ دینے کی بھی پیشکش تھی۔ 

ایم کیو ایم کو کراچی اور حیدر آباد کے ایڈمنسٹریٹرشپ دینے کی بھی پیش کش کی گئی ہے۔

ذرائع نے بتایا کہ ایم کیو ایم وفد سے ملاقات میں وزیراعلیٰ سندھ اور مرتضیٰ وہاب بھی شریک تھے۔

یہ ملاقات پارلیمنٹ لاجز میں ہوئی، جس میں تحریک عدم اعتماد اور سیاسی صورتحال پر تبادلہ خیال کیا۔

بشکریہ جنگ