پیپلز بس سروس کے روٹس میں اضافے کا اعلان

وزیرِ اطلاعات سندھ شرجیل انعام میمن کی جانب سے پیپلز بس سروس کے مزید روٹس بڑھانے کا اعلان کیا گیا ہے۔

شرجیل میمن نے پیپلز بس سروس کے نئے روٹس سے متعلق مائیکرو بلاگنگ ویب سائٹ ٹوئٹر پر پیغام جاری کیا ہے۔

شرجیل میمن کا اپنے ٹوئٹ میں کہنا ہے کہ ’عوام کے مطالبے پر پیپلز بس سروس کو میٹرو پول سے تین تلوار، عبداللّٰہ شاہ غازی انڈر پاس تک چلانے کا فیصلہ کیا گیا ہے‘۔

شرجیل میمن کا یہ بھی کہنا ہے کہ ’سی ویو روڈ، نشانِ پاکستان سے کلاک ٹاور ہوٹل تک آزمائشی بسیں چلائی جائیں گی‘۔

بشکریہ جنگ