پیٹرول سستا کرنے پر IMF کو اعتراض نہیں، مفتاح اسماعیل

وزیر خزانہ مفتاح اسماعیل کا کہنا ہے کہ پیٹرولیم مصنوعات سستی کرنے پر آئی ایم ایف کو اعتراض نہیں ہے۔

میڈیا سے گفتگو کرتے ہوئے وزیر خزانہ مفتاح اسماعیل نے کہا کہ پیٹرولیم مصنوعات آج ہی سستی ہوں گی، وزیراعظم عوام کو فوری ریلیف دینا چاہتے ہیں۔

مفتاح اسماعیل کا کہنا تھا کہ پیٹرول سستا کرنے کی سمری موصول ہوگئی ہے، پیٹرول سستا کرنے کے لیے 15 جولائی کا انتظار نہیں کیا جائے گا۔

انہوں نے کہا کہ آئی ایم ایف کے ساتھ معاہدہ پوری قوم کو مبارک ہو، قوم مشکل فیصلوں میں شہباز شریف کے ساتھ کھڑی رہی۔

مفتاح اسماعیل کا مزید کہنا تھا کہ قوموں پر مشکل وقت آتے ہیں اور پاکستانی قوم کرائسز کو سمجھتی ہے، مشکل وقت کے بعد اب قوم کو ریلیف دینے کا وقت آگیا ہے۔

بشکریہ جنگ