پیٹرول اور ڈیزل کی قیمتوں میں زبردست اضافے کا امکان

اسلام آباد: ایندھن کی قیمتوں میں یکے بعد دیگرے ریلیف کے بعد، نگران حکومت کی جانب سے 31 جنوری کو اگلے پندرہ روزہ جائزے میں پیٹرول اور ہائی اسپیڈ ڈیزل (ایچ ایس ڈی) کی قیمتوں میں اضافے کا امکان ہے ۔

صنعت کے حکام نے کہا کہ ایندھن کی قیمتوں میں متوقع اضافہ مشرق وسطیٰ میں بڑھتی ہوئی کشیدگی کے درمیان تیل کی بین الاقوامی قیمتوں میں اضافے کی وجہ سے ہے۔

ایک عہدیدار نے میڈیا کو بتایا کہ حکومت، جو آئل اینڈ گیس ریگولیٹری اتھارٹی کی سفارشات کی بنیاد پر ہر 15 دن بعد پیٹرولیم مصنوعات کی قیمتوں کو ایڈجسٹ کرتی ہے، 31 جنوری 2024 کو پیٹرول اور ڈیزل کی قیمتوں میں 7 روپے فی لیٹر اضافے کا امکان ہے۔

پیٹرولیم مصنوعات کی قیمتوں میں متوقع اضافہ 01 نومبر 2023 سے گھریلو قیمتیں مستحکم رہنے یا اس میں کمی دیکھنے کے بعد آئے گا۔