پیرس ٹرین اسٹیشن پر چاقو بردار ملزم کا حملہ، 6 افراد زخمی

پیرس کے ٹرین اسٹیشن پر چاقو بردار حملہ آور نے 6 افراد کو زخمی کر دیا، پولیس نے ملزم کو گولی مار کر قابو کیا۔

فرانس کے وزیر داخلہ نے جائے وقوعہ پر میڈیا سے گفتگو کرتے ہوئے کہا کہ صبح پونے 7 بجے ملزم نے چاقو سے پولیس افسر سمیت کئی افراد پر حملہ کیا۔

ان کا کہنا تھا کہ حملہ آور اسپتال میں زندگی اور موت کی کشمکش میں ہے۔

حکام کے مطابق متعدد مسافر اور ایک بارڈر پولیس افسر زخمیوں میں شامل ہیں۔

فرانسیسی وزیر داخلہ نے کہا کہ حملہ آور نے پولیس افسر کے سینے میں چاقو گھونپا لیکن وہ بلٹ پروف جیکٹ کی وجہ سے بچ گیا۔

ان کا کہنا تھا کہ ایک متاثرہ شہری کو کندھے پر شدید زخم آئے جسے ہنگامی طبی امداد کیلئے لے جایا گیا۔

واقعے کی وجہ سے اسٹیشن پر ٹرینوں کی آمد و رفت میں تعطل آیا۔

بشکریہ جنگ