پہلی خواجہ سراء ہوں جس نے کاغذاتِ نامزدگی جمع کرائے: نایاب علی

اسلام آباد کے حلقے این اے 47 سے خواجہ سراء امیدوار نایاب علی کا کہنا ہے کہ ملک کی پہلی خواجہ سراء ہوں جس نے کاغذاتِ نامزدگی جمع کرائے ہیں۔

میڈیا سے گفتگو کرتے ہوئے ان کا کہنا ہے کہ خواتین کو اسلام آباد سے کوئی نمائندگی نہیں دی گئی۔

خواجہ سراء نایاب علی نے کہا کہ اسلام آباد کے 11 لاکھ ووٹرز میں سے 5 لاکھ خواتین ہیں، میں خواتین اور کچی آبادیوں کے حقوق کے لیے کام کروں گی۔

اسلام آباد میں قومی اسمبلی کے حلقے سے خواجہ سراء امیدوار نے کاغذاتِ نامزدگی جمع کرائے ہیں۔

انہوں نے مزید کہا کہ اسلام آباد کے مظلوم طبقوں کی نمائندگی کروں گی، ایم این ایز اور ایم پی ایز آپ کو صرف الیکشن کے دنوں میں ہی نظر آتے ہیں۔

خواجہ سراء نایاب علی نے یہ بھی کہا ہے کہ اسلام آباد میں سب سے بڑا مسئلہ کچی آبادیوں کا ہے۔

بشکریہ جنگ