پہلا ٹی 20: پاکستان کا آئرلینڈ ویمن کو جیت کیلئے 136 رنز کا ہدف

ٹی ٹوئنٹی سیریز کے پہلے میچ میں پاکستان ویمن کرکٹ ٹیم نے آئرلینڈ ویمن کو جیت کے لیے 136 رنز کا ہدف دے دیا۔

قومی ٹیم کی کپتان بسمہ معروف نے ٹاس جیت کر پہلے بیٹنگ کا فیصلہ کیا ہے۔

پاکستان ویمن کی ندا ڈار نے آئرلینڈ کے خلاف نصف سنچری اسکور کی، انہوں نے 37 گیندوں پر 1 چھکا اور 7 چوکوں کی مدد سے ففٹی بنائی۔

آل راؤنڈر ندا ڈار  کی یہ ٹی ٹوئنٹی انٹرنیشنل میں یہ ساتویں نصف سنچری  ہے۔

پاکستان کی جانب سے ندا ڈار 61 رنز بنا کر نمایاں رہیں جبکہ عالیہ ریاض 24 رنز بنا کر ناقابل شکست رہیں۔

واضح رہے کہ پاکستان ویمن کرکٹ ٹیم نے آئرلینڈ ویمن ٹیم کو تین ون ڈے میچز کی سیریز میں 0-3 سے کلین سوئپ کیا تھا۔

دونوں ٹیموں کے درمیان اب 3 ٹی ٹوئنٹی میچز کی سیریز کا آغاز ہوا ہے۔

بشکریہ جنگ