پُرامن احتجاج کرنے والوں کو نہیں روکیں گے، وزیر اعلیٰ سندھ
وزیراعلیٰ سندھ مراد علی شاہ کا کہنا ہے کہ ہم پرُامن طریقے سے احتجاج ریکارڈ کرانے والوں کو نہیں روکیں گے، امن و امان کی صورتحال پیداہوئی تو حفاظتی اقدامات کریں گے۔
اسلام آباد کی احتساب عدالت کے باہر میڈیا سے گفتگو کرتے ہوئے وزیراعلیٰ سندھ مراد علی شاہ نے کہا کہ کل لاہورمیں جو ہوا اس کے ردعمل میں مفتی منیب نے ملک میں پہیہ جام ہڑتال کا اعلان کیا۔
وزیراعلی سندھ کا کہنا تھا کہ ہم رات سے ہی سارے لوگوں سے رابطے میں ہیں، کوئی اپنی مرضی سے دکان، ٹرانسپورٹ بند اور گھر پر رہنا چاہتا ہے تو اجازت ہے۔
مراد علی شاہ نے کہا کہ میرا مشورہ ہے حکومت ایسی چیز نہ کرے جو ممکن نہ ہو ،حکومت کو مشورہ ہے وقتی فائدے کیلئے بڑی تکلیف میں نہ ڈال دیں، یہ بھی دیکھنا ہے کسی اور مسلمان کو ہمارے ایکشن کی وجہ سےتکلیف نہ ہو۔
انہوں نے کہا کہ صوبوں کو موجودہ صورتحال پر اعتماد میں نہیں لیا گیا، اسٹیک ہولڈرز کو اعتماد میں لے کر ہی بہتر حل کی طرف جاسکتے ہیں۔
وزیراعلیٰ سندھ کا کہنا ہے کہ خورشید شاہ پونے دوسال سے جیل میں ہیں،باقی جگہ پر تو کچھ نہ کچھ ریلیف مل رہا ہے، مگر پیپلز پارٹی کیس کا سامنا کر رہی ہے اور غلط کیسوں کا بھی سامنا کر رہی ہے۔
ان کا کہنا تھا کہ خورشید شاہ جیل میں ہیں ،ڈیل وغیرہ کی کوئی بات نہیں ہے۔
Comments are closed.