پوپ فرانسس کی سوئیڈن میں قرآن پاک کی بے حرمتی کی شدید مذمت

دنیا بھر کے کیتھولک عیسائیوں کے روحانی پیشوا پوپ فرانسس دوم نے سوئیڈن میں قرآن پاک کی بے حرمتی کی شدید الفاظ میں مذمت کی ہے۔

عرب میڈیا کو انٹرویو دیتے ہوئے پوپ فرانسس نے سوئیڈن میں قرآن پاک کی بے حرمتی کو نا قابل قبول گستاخانہ عمل قرار دیا اور کہا کہ اس کی جتنی بھی مذمت کی جائے وہ کم ہے۔

انہوں نے مزید کہا آزادی اظہار کے نام پر کسی بھی عقیدے کی مقدس کتاب کی بے حرمتی کرنا قابل مذمت عمل ہے اور کسی بھی عقیدے کے ماننے والوں کی دل آزاری اور ان کے مقدسات کی توہین اور اس کی اجازت دینا ناقابل قبول اور ناقابل برداشت ہے۔

بشکریہ جنگ