پولیس سے تلخ کلامی، آفتاب بلوچ گرفتار

کراچی کے علاقے میمن گوٹھ میں پولیس اہلکاروں سے تلخ کلامی اور دھمکی آمیز رویہ اختیار کرنے والے شہری آفتاب بلوچ کو گرفتار کرلیا گیا۔

پولیس کے مطابق آفتاب بلوچ اور اس کے دیگر ساتھیوں کے خلاف میمن گوٹھ تھانے میں مقدمہ درج تھا۔

کےالیکٹرک تھانے کے افسر و اہلکار آفتاب بلوچ کیخلاف عدالتی وارنٹ کی تعمیل کیلئے آئے تھے،اس پر آفتاب بلوچ نے پولیس اور کے الیکٹرک کے افسران کے ساتھ تلخ کلامی کی۔

کراچی کے علاقے ملیر میمن گوٹھ میں گزشتہ روز پولیس کے ساتھ تلخ کلامی کرنے والے آفتاب بلوچ نے اپنے ویڈیو پیغام میں پولیس سے معافی مانگ لی اور کہا کہ آئندہ پولیس کے ساتھ تلخ کلامی نہیں کروں گا۔

اس سے قبل آفتاب بلوچ نے اپنے ویڈیو پیغام میں کہا کہ آئندہ عدالت سے موصول ہونے والے ہر حکم پر عمل کروں گا۔

بشکریہ جنگ