پولیس اہلکار کی سرپرستی میں چلنے والے جوئے کے اڈہ پر چھاپہ، 5 ملزمان گرفتار
پولیس اہلکار کی سرپرستی میں چلنے والے جوئے کے اڈہ پر چھاپہ مار کر پولیس نے 5 ملزمان کو گرفتار کرلیا۔
ایس ایس پی سٹی سرفراز نواز کے مطابق گرفتار ملزمان میں جوئے کے اڈے کا مالک پولیس اہلکار بھی شامل ہے۔
ملزمان کو تھانہ چاکیواڑہ کی حدود عمر لین کے قریب سے گرفتار کیا گیا ہے، ملزمان میں اعجاز عرف پیما، نیاز احمد، عبداللّٰہ، عامر اور عبدالناصر شامل ہیں۔
گرفتار پولیس اہلکار کے قبضہ سے غیر قانونی اسلحہ بمعہ 10 راؤنڈز برآمد کیے گئے ہیں، ملزمان سے 3 عدد تاش کے پیکٹ، 13 ہزار 700 روپے جوا کی رقم اور شراب برآمد کی گئی ہے۔
گرفتار ملزمان پولیس اہلکار کی سرپرستی میں جوئے کا اڈہ چلا رہے تھے، جنہیں گرفتار کرکے مقدمات درج کرلیے گئے ہیں۔
پولیس حکام کا کہنا ہے کہ ملزمان کے خلاف مزید تفتیش جاری جاری ہے جبکہ گرفتار پولیس اہلکار سے برآمدہ غیر قانونی اسلحہ فارنزک کے لیے بھجوا دیا گیا ہے۔
Comments are closed.