بدھ14؍شوال المکرم 1442ھ26؍مئی 2021ء

پورٹ قاسم کے قریب ڈیزل سے بھرا جہاز ریت میں پھنس گیا

کراچی میں پورٹ قاسم کے قریب ڈیزل سے بھرا جہاز ’’ہائی پروسپیرٹی‘‘ ریت میں پھنس گیا۔

شپنگ ذرائع کے مطابق جہاز’’ہائی پروسپیرٹی‘‘ کو بنڈل جزیرے کے قریب سے نکالنے کی کوشش کی جارہی ہے۔

ذرائع کا کہنا ہے کہ جہازصبح ساڑھے7 بجے پھنسا جس کی وجہ سے پورٹ پر برتھنگ متاثر ہوئی ہے ۔

کراچی میں کلفٹن کے ساحل پر ریت میں پھنسے ہوئے بحری جہاز ’’ہینگ ٹونگ 77 ‘‘کو آج نکال دیا گیا۔

ترجمان پورٹ قاسم کا کہنا ہے کہ جہاز پھنسنے کی وجوہات معلوم کی جارہی ہیں۔

واضح رہے کہ کچھ ماہ قبل کراچی میں کلفٹن کے ساحل پر بھی کنٹینرز سے لدا بحری جہاز ہینگ ٹونگ 77 پھنس گیا تھا جسے ڈیڑھ ماہ کی کوششوں کے بعد بالآخرکامیاب آپریشن کے ذریعے گہرے پانی میں پہنچایا گیا۔

بشکریہ جنگ
You might also like

Comments are closed.