پنجاب یونیورسٹی سے گرفتار طالب علم کا جامعہ کراچی دھماکے سے کیا تعلق ہے؟ صحافی کا سوال

لاہور میں ڈی آئی جی سی ٹی ڈی پنجاب افضال احمد کوثر کی پریس کانفرنس کے دوران صحافی نے سوال کیا کہ پنجاب یونیورسٹی سے گرفتار طالب علم کا جامعہ کراچی دھماکے سے کیا تعلق ہے؟

ڈی آئی جی سی ٹی ڈی پنجاب افضال احمد کوثر نے سوال کا جواب دیتے ہوئے کہا کہ سی ٹی ڈی کے پاس ابھی ایسا کچھ نہیں ہے، تحقیقات جاری ہیں۔

واضح رہے کہ پنجاب یونیورسٹی سے ایک مہمان طالبعلم کو گرفتار کیا گیا ہے جس پر احتجاج کیا گیا، طالب علموں کے ایک گروپ نے گرفتار طالب علم بیباگر امداد کی رہائی کا مطالبہ کیا۔

طلبا نے پنجاب یونیورسٹی میں وائس چانسلر آفس کے سامنے دھرنا دیتے ہوئے احتجاج کیا۔

احتجاجی طلبا نے وائس چانسلر آفس سمیت ایڈمن بلاک کو تالے لگا دیے۔

ترجمان جامعہ پنجاب کا کہنا ہے کہ انتظامیہ نے تالے توڑ کر ایڈمن بلاک کو فعال کیا۔

سی ٹی ڈی نے گزشتہ روز یونیورسٹی ہاسٹل سے مہمان طالبعلم کو گرفتار کیا تھا۔

بشکریہ جنگ