پنجاب و اسلام آباد میں بلدیاتی انتخابات: الیکشن کمیشن نے اجلاس طلب کر لیا
پنجاب اور اسلام آباد میں بلدیاتی انتخابات کے متعلق الیکشن کمیشن آف پاکستان کا اجلاس طلب کر لیا گیا۔
الیکشن کمیشن کے اعلامیہ کے مطابق اسلام آباد کے بلدیاتی انتخابات کے انعقاد سے متعلق اجلاس 2 اگست کو ہوگا۔
اعلامیہ کے مطابق سیکریٹری داخلہ، انسپکٹر جنرل (آئی جی) اسلام آباد اور چیف کمشنر اسلام آباد کو مراسلہ جاری کردیا گیا ہے۔
الیکشن کمیشن کا کہنا ہے کہ پنجاب بلدیاتی الیکشن کی تاریخ کےلیے اجلاس 3 اگست کو ہوگا، جس میں نگراں وزیراعلیٰ پنجاب، چیف سیکریٹری، آئی جی اور سیکریٹری لوکل گورنمنٹ کو مدعو کیا گیا ہے۔
اعلامیہ کے مطابق مشاورت سے بلدیاتی انتخابات کے انعقاد کے لیے تاریخیں مقرر کی جائیں گی۔
بشکریہ جنگ
Comments are closed.