پنجاب: وادیٔ سون میں قدیم قلعہ تلاجہہ کے آثار برآمد

پنجاب میں قدیم و تاریخی آثار کی دریافت پر کام جاری ہے، چیئرمین شعبۂ آرکیالوجی پنجاب ڈاکٹر محمد حمید کے مطابق وادیٔ سون میں قدیم و تاریخی قلعہ تلاجہہ کے آثار برآمد ہوئے ہیں۔

انہوں نے بتایا کہ ابتدائی تحقیق کے مطابق تلاجہہ قلعہ تقریباً 2 ہزار سال قدیم ہے۔

مصر کے محکمہ آثار قدیمہ کے ماہرین نے کھدائی کے دوران ڈھائی ہزار سال قدیم لکڑی کے چودہ تابوت برآمد کرلیے۔

ڈاکٹر محمد حمید نے مزید بتایا کہ اس قلعے میں مکانوں کا طرزِ تعمیر اور دریافت شدہ اشیائے ضروریہ سے مسلمان آبادی کے آثار ملتے ہیں۔

چیئرمین شعبۂ آرکیالوجی پنجاب نے یہ بھی بتایا کہ گمان ہے کہ قلعہ تلاجہہ میں مسلمان بھی آباد رہے ہیں۔

اس ضمن میں وزیرِ اعلیٰ پنجاب سردار عثمان بزدار کا کہنا ہے کہ آثارِقدیمہ کی دریافت اور سیاحتی مقامات کی ڈیولپمنٹ سے پنجاب کو سیاحت کا مرکز بنائیں گے۔

ماہرین آثار قدیمہ نے دنیا کا قدیم ترین غار پر مبنی آرٹ دریافت کیا ہے، جوکہ ایک زندہ جنگلی سور کے قدو قامَت کے مساوی تصویر ہے اور یہ کم از کم 45 ہزار پانچ سو برس قبل انڈونیشیا میں پینٹ کی گئی۔

انہوں نے مزید کہا کہ آثارِ قدیمہ کی دریافت غیر ملکی سیاحوں اور محققین کے لیے دلچسپی کا باعث ہو گی۔

وزیرِ اعلیٰ پنجاب سردار عثمان بزدار نے یہ بھی کہا کہ ان آثارِ قدیمہ سے سیاحت کو فروغ دے کر مقامی معیشت کو فروغ دیا جائے گا۔

بشکریہ جنگ