نگراں وزیرِ اعلیٰ پنجاب محسن نقوی نے کہا ہے کہ اللّٰہ تعالی کے فضل اور پنجاب حکومت کی شبانہ روز محنت سے یومِ عاشور پُرامن گزرا۔
ایک بیان میں محسن نقوی نے کہا ہے کہ سیکیورٹی انتظامات پر صوبائی وزراء، انتظامیہ، پولیس اور قانون نافذ کرنے والے اداروں کو شاباش پیش کرتا ہوں۔
انہوں نے کہا کہ پُرامن طریقے سے عشرۂ محرم الحرام کے اختتام پزیر ہونے پر اللّٰہ تعالی کے حضور سر بسجود ہیں۔
محسن نقوی کا کہنا ہے کہ پنجاب بھر میں پُرامن ماحول میں مجالس اور جلوس منعقد ہوئے۔
نگراں وزیرِ اعلیٰ نے کہا کہ بھائی چارے اور بین المسالک ہم آہنگی کے فروغ میں علماء کرام کا کردار قابلِ ستائش رہا۔
ان کا یہ بھی کہنا ہے کہ قیامِ امن کے لیے تمام مکاتبِ فکر کے علمائے کرام کی کاوشوں کو سراہتا ہوں۔
Comments are closed.