پنجاب حکومت کا جڑانوالہ واقعے کی اعلیٰ سطح انکوائری کا حکم
پنجاب حکومت نے جڑانوالہ واقعے کی اعلیٰ سطح انکوائری کا حکم دیتے ہوئے کہا ہے کہ سوچی سمجھی سازش کے تحت امن خراب کرنے کی کوشش کی گئی۔
ترجمان پنجاب حکومت نے کہا کہ قرآن پاک کی بےحرمتی کی تحقیقات جاری ہیں، ملزمان کی گرفتاری کا حکم دیا گیا ہے، اقلیت کی آبادیوں پر حملہ آور ہونے کی کوشش کی گئی جسے پولیس نے ناکام بنایا۔
حکومت پنجاب نے کہا کہ امن کمیٹی کو متحرک کیا گیا، پولیس نے 100سے زائد لوگوں کو گرفتار کیا، کمشنر، ریجنل پولیس آفیسر (آر پی او)، ڈپٹی کمشنر اور سٹی پولیس آفیسر (سی پی او) فیصل آباد نفری کے ساتھ موقع پر موجود ہیں۔
واضح رہے کہ جڑانوالہ میں توہینِ مذہب کا مبینہ واقعہ پیش آیا، مشتعل افراد نے 4 گرجا گھر، مسیحی برادری کے درجنوں مکان، گاڑیاں اور مال و اسباب جلا دیے۔
بشکریہ جنگ
Comments are closed.