پشاور سمیت خیبر پختون خوا میں انسداد پولیو مہم جاری

پشاور سمیت خیبر پختون خوا میں انسداد پولیو مہم جاری ہے، مہم کے دوران 35 لاکھ سے زیادہ بچوں کو پولیو سے بچاؤ کے قطرے پلائے جاچکے ہیں۔

خیبر پختون خوا میں 5 روزہ انسداد پولیو مہم جاری ہے، مہم کے دوران 64 لاکھ سے زیادہ بچوں کو پولیو سے بچاؤ کے قطرے پلانے کا ہدف مقرر کیا گیا ہے۔

صوبے بھر میں 5 سال سے کم عمر کے 35 لاکھ 97 ہزار سے زیادہ بچوں کو اب تک پولیو کے قطرے پلائے گئے ہیں جبکہ پشاور میں 2 لاکھ 71 ہزار سے زائد بچوں کو پولیو سے بچاؤ کے قطرے پلائے جاچکے ہے۔

انسداد پولیو مہم کے لیے 30 ہزار ٹیمیں تشکیل دی گئی ہیں صوبے میں پولیو ٹیموں کی سیکیورٹی کے لیے 40 ہزار سے زیادہ پولیس اہلکار تعینات کیے گئے ہیں۔

محکمہ صحت کے مطابق خیبر پختون خوا میں گزشتہ 18 ماہ کے دوران پولیو کا کوئی کیس رپورٹ نہیں ہوا۔

بشکریہ جنگ