پشاور: ذہنی مریض نے بیوی اور بھابھی کو قتل کرنے کے بعد خودکشی کرلی

پشاور میں فائرنگ کر کے بیوی اور بھابھی کو قتل جبکہ بھائی کو زخمی کرنے والے ملزم نے مبینہ طور پر خود پر بھی فائرنگ کر کے زندگی کا خاتمہ کرلیا۔ 

ملزم ذہنی توازن درست نہ ہونے پر چند روز قبل بیرون ملک سے وطن واپس لوٹا تھا۔

پولیس کے مطابق پشاور کے مضافاتی علاقہ ریگی میں ملزم نے فائرنگ کر کے بیوی، بھابھی کو قتل جبکہ بھائی کو زخمی کیا۔

 ملزم ناظر علی نے واردات کے بعد مبینہ طور پر خود پر بھی فائرنگ کر کے خود کشی کرلی، پولیس کے مطابق ملزم کے جسم پر تین گولیوں کے نشانات ہیں۔

ملزم ناظر علی چند روز قبل ذہنی توازن درست نہ ہونے پر بیرون ملک سے واپس آیا تھا۔ پولیس نے مقدمہ درج کر کے واقعے کی تفتیش شروع کردی۔

بشکریہ جنگ