پریانکا گاندھی کے گلدستے کے ’گل‘ گل ہو گئے، ویڈیو وائرل

بھارتی کانگریس کی رہنما پریانکا گاندھی کو ان کی پارٹی کے ایک کارکن نے پھولوں کے بغیر گلدستہ پیش کیا تو یہ منظر کیمرے کی آنکھ میں محفوظ ہو گیا اور ویڈیو سوشل میڈیا پر وائرل ہو گئی۔

سماجی رابطے کی ویب سائٹ ایکس (سابق ٹوئٹر) پر بھارتی سیاسی جماعت کانگریس کی ریلی سے ایک دلچسپ ویڈیو سوشل میڈیا پر وائرل ہو رہی ہے اور دیکھنے والوں کے لبوں پر مسکراہٹ بکھیر رہی ہے۔

کانگریس کی رہنما پریانکا گاندھی آئندہ انتخابات کے سلسلے میں ان دنوں اپنی سیاسی مہم میں مصروف ہیں۔

وائرل ویڈیو میں دیکھا جا سکتا ہے کہ سیاسی مہم کے سلسلے میں مدھیا پردیش کے شہر اندور میں ہونے والی ریلی سے خطاب کے لیے جب پریانکا گاندھی اسٹیج پر پہنچیں تو ان کی جماعت کے ایک کارکن نے انہیں گلدستہ پیش کیا۔

انہیں پیش کیے گئے اس گلدستے کی خاص بات یہ تھی کہ اس سے ’گل‘ ہی گل ہو گئے یعنی ان کے گلدستے میں پھلوں کی جگہ صرف پتے رہ گئے تھے۔ 

یہ دیکھ کر خود پریانکا گاندھی بھی اپنی ہنسی پر قابو نہ رکھ سکیں اور فوراً مذکورہ پارٹی کارکن کو اس کی نشاندہی بھی کر دی جسے کیمرے کی آنکھ نے محفوظ کر لیا۔

بشکریہ جنگ