پرویز خٹک نے قومی و صوبائی اسمبلی نشستوں پر کاغذات نامزدگی جمع کروا دیے

پاکستان تحریک انصاف پارلیمنٹیرینز (پی ٹی آئی پی) کے چیئرمین اور سابق وزیر دفاع پرویز خٹک نے قومی اسمبلی کے حلقہ 33 سے کاغذات نامزدگی جمع کروا دیے ہیں۔

پرویز خٹک نے نوشہرہ سے قومی اسمبلی کے ساتھ 2 صوبائی حلقوں پی کے 87 اور 88 سے بھی کاغذات نامزدگی جمع کروائے ہیں۔

پاکستان تحریک انصاف (پی ٹی آئی) کے بانی چیئرمین عمران خان کے وکیل نعیم پنجوتھہ نے کہا کہ ہم الیکشن کا بائیکاٹ نہیں کریں گے لیکن متنازع انتخابات کوئی قبول نہیں کرے گا۔

عوامی نیشنل پارٹی کے رہنما میاں افتخار حسین نے پی کے 89 جبکہ ن لیگ کے اختیار ولی نے این اے 33 اور پی کے 88 سے کاغذات نامزدگی جمع کروائے ہیں۔

جمعیت علماء اسلام (ف) کے لیاقت خٹک نے این اے 34 اور پی کے 87 سے کاغذات نامزدگی جمع کروائے ہیں۔

بشکریہ جنگ