پرویز الہٰی کا جسمانی ریمانڈ نہ دینے کے فیصلے کیخلاف اپیل دائر
سابق وزیراعلیٰ پنجاب پرویز الہٰی کا جسمانی ریمانڈ نہ دینے کے فیصلے کے خلاف ایف آئی اے نے سیشن کورٹ میں اپیل دائر کردی۔
پرویز الہٰی کے خلاف منی لانڈرنگ کے مقدمے میں جسمانی ریمانڈ نہ دینے کے فیصلے کے خلاف ایف آئی اے نے اپیل دائر کی۔
ایف آئی اے کا مؤقف ہے کہ جوڈیشل مجسٹریٹ نے حقائق کے برعکس فیصلہ سنایا، پرویز الہٰی کے خلاف منی لانڈرنگ کی تحقیقات کرنی ہیں۔
ایف آئی اے نے استدعا کی ہے کہ عدالت جوڈیشل مجسٹریٹ کا جسمانی ریمانڈ نہ دینے کا حکم کالعدم قرار دے۔
ایڈیشنل سیشن جج نے اپیل پر نوٹس جاری کرتے ہوئے 4 جولائی کو جواب طلب کرلیا ہے۔
بشکریہ جنگ
Comments are closed.