پرویز الٰہی کو وزیراعلیٰ پنجاب بننے کیلئے نمبر پورے ہوگئے، ،راجہ بشارت کا دعویٰ

وزیر قانون پنجاب محمد راجہ بشارت ے دعویٰ کیا ہے کہ پرویز الٰہی کو وزیراعلیٰ پنجاب بننے کے لئے نمبر پورے ہوگئے۔

پنجاب میں بدلتی سیاسی صورتحال پر صوبائی وزرا کا اجلاس ختم ہوگیا، اجلاس کے بعد راجہ بشارت نے گفتگو کرتے ہوئے کہا کہ ناراض اراکین بھی چوہدری پرویز الٰہی سے رابطے میں ہیں، ان کی حمایت حاصل ہے۔

ارکان اسمبلی کی حمایت حاصل کرنے کے مشن پر نکلے چوہدری پرویز الٰہی چھینہ گروپ سے ملاقات کے لیے ماڈل ٹاون پہنچے اور باضابطہ حمایت کی درخواست کر دی۔

انہوں نے کہا کہ جو چند ناراض اراکین ہیں وہ بھی جلد پرویز الٰہی کے ساتھ ہوں گے، جہانگیر ترین گروپ سے بھی رابطے میں ہیں،جلد مثبت پیش رفت ہوگی۔

صوبائی وزرا نے دعویٰ کیا کہ ن لیگ کے افراد بھی پرویز الٰہی کے ساتھ ہیں۔

چوہدری ظہیرالدین نے کہا کہ جو صورتحال دیکھ رہے ہیں پرویز الٰہی کے پاس نمبر پورے ہیں۔

دوسری جانب ارکان اسمبلی کی حمایت حاصل کرنے کے مشن پر نکلے چوہدری پرویز الٰہی چھینہ گروپ سے ملاقات کے لیے ماڈل ٹاون پہنچے اور باضابطہ حمایت کی درخواست کی۔

بشکریہ جنگ