پروفیسر آپ کے لیے ریٹائرمنٹ اچھی ثابت ہو ، بابر اعظم کا حفیظ کو زبردست خراج تحسین

قومی کرکٹ ٹیم کے کپتان بابراعظم نے آج انٹرنیشنل کرکٹ سے ریٹائرمنٹ لینے والے محمد حفیظ کو زبردست خراج تحسین پیش کیا ہے۔

انہوں نے سوشل میڈیا پر جاری بیان میں کہا کہ  محمد حفیظ کے یادگار کیرئیر کا اختتام ہو گیا ، میں نے محمد حفیظ کے تجربے سے بہت کچھ سیکھا۔

کپتان پاکستان ٹیم نے یہ بھی لکھا کہ محمد حفیظ کے رہنمائی اور گراؤنڈ میں وقت گزارنے کا شکریہ ادا کرتا ہوں۔

وزیراعظم عمران خان کے سابق معاون خصوصی زلفی بخاری نے کرکٹر محمد حفیظ کی ریٹائرمنٹ پر کہا کہ اُن میں ابھی ٹی ٹوئنٹی انٹرنیشنل کرکٹ باقی تھی۔

انہوں نے کہا کہ پروفیسر آپ کے لئے ریٹائرمنٹ اچھی ثابت ہو۔

پاکستان کے لئے 55 ٹیسٹ 218 ون ڈے اور 119 ٹی 20 کھیلنے والے آل راؤنڈر محمد حفیظ نے بین الاقوامی کرکٹ سے مکمل طور پر رخصت لینے کا فیصلہ کر لیا ہے۔

بشکریہ جنگ