پروازوں میں تاخیر پر سعودی ایوی ایشن کی پی آئی اے سمیت دیگر ایئرلائنز کو تنبیہ

سعودی عرب میں پروازوں کی آمد و روانگی میں تاخیر کے معامے پر جنرل اتھارٹی آف سول ایوی ایشن (گاکا)  نے قومی ایئرلائن (پی آئی اے) سمیت دیگر ایئرلائنر کو تنبیہ کردی۔

سعودی ایوی ایشن کی جانب سے مجموعی طور پر 26 ایئر لائن کو وارننگ لیٹر جاری کیے گئے ہیں، جس میں کہا گیا ہے کہ ایئر لائنز نے پرفارمنس ٹھیک نہیں کی تو ان کے سلاٹس کم کر دیےجائیں گے۔

گاکا کی جانب سے دی گئی وارننگ میں کہا گیا ہے کہ پی آئی اے اپنی پروازوں کی وقت پر آمد اور روانگی یقینی بنائے، پروازوں میں تاخیر پر پی آئی اے کو جرمانے کی بھی وارننگ دی گئی ہے۔

ذرائع کا کہنا ہے کہ پی آئی اے کا سعودی عرب کیلئے فلائٹ آپریشن بری طرح متاثر ہے، طیارے خراب ہونے کی وجہ سے پروازیں کئی کئی گھنٹے تاخیر کا شکار ہیں۔

بشکریہ جنگ