پاک چین تعلقات قومی سلامتی کی سُرخ لکیر ہیں، مریم نواز

حکمران جماعت مسلم لیگ (ن) کی سینئر نائب صدر اور چیف آرگنائزر مریم نواز نے کہا ہے کہ پاک چین تعلقات قومی سلامتی کی سُرخ لکیر ہیں۔

ایک بیان میں مریم نواز نے کہا کہ حکومت نے پاک چین اقتصادی راہداری (سی پیک) کے خلاف فارن فنڈڈ فتنے کی سازش ناکام بنادی۔

وفاقی وزیر داخلہ رانا ثناء اللّٰہ نے کہا ہے کہ لوگ منتظر ہیں کب عمران خان نااہل ہو اور وہ پارٹی کی قیادت سنبھالیں۔

انہوں نے کہا کہ فارن فنڈڈ ایجنٹ نے سی پیک منصوبوں میں کرپشن کے بےبنیاد الزامات لگائے تھے۔

ن لیگی سینئر نائب صدر نے مزید کہا کہ چین پاکستان تعلقات قومی سلامتی کی سُرخ لکیر ہیں۔

ان کا کہنا تھا کہ خنجراب پاس کے دوبارہ کھلنے سے دونوں طرف کے عوام کی مشکلات ختم کرنے میں مدد ملے گی۔

انہوں نے کہا کہ پی ٹی آئی حکومت نے پاکستان چین تجارتی سرگرمیوں اور سی پیک کی رفتار متاثر کی۔

وفاقی وزیر اطلاعات و نشریات مریم اورنگزیب نے کہا ہے کہ 4 سال عوام کا آٹا چینی روٹی لوٹنے والے وزیراعظم کی مفت آٹا اسکیم کو متنازع بنا رہے ہیں۔

مریم نواز نے یہ بھی کہا کہ تین سال بعد چین پاکستان تجارت اور آمد و رفت پھر بحال ہوگئی ہے۔

ان کا کہنا تھا کہ 2020 میں بندش کے بعد 2023 میں خنجراب پاس کا دوبارہ کھلنا خوشی کی خبر ہے۔

ن لیگی سینئر نائب صدر نے کہا کہ 2016 سے سی پیک فریم ورک کے تحت یہ انتظام بہترین جا رہا تھا جو 2019 میں بند ہوگیا تھا۔

انہوں نے کہا کہ خنجراب پاس کے دوبارہ کھلنے سے دونوں طرف کے عوام کی مشکلات ختم کرنے میں مدد ملے گی۔

مریم نواز نے کہا کہ وزیراعظم شہبازشریف اور چینی صدر پاک چین آہنی بھائی چارے کو مزید مضبوط بنارہے ہیں۔

ان کا کہنا تھا کہ پی ٹی آئی حکومت نے پاکستان چین تجارتی سرگرمیوں اور سی پیک کی رفتار متاثر کی۔

ن لیگی نائب صدر نے مزید کہا کہ نواز شریف سی پیک کے معمار ہیں، چین کی مدد سے پاکستان کی ترقی کا عظیم منصوبہ شروع کیا تھا۔

انہوں نے یہ بھی کہا کہ مسلم لیگ (ن) دور کی رفتار سے سی پیک اور پاک چین تجارت جاری رہتی تو آج عوام بدحال نہ ہوتے۔

بشکریہ جنگ