پاک سری لنکا دوسرا ٹیسٹ بھی گال میں کھیلا جائے گا

سری لنکا میں معاشی بحران خلاف جاری مظاہرے کے پیش نظر پاکستان اور سری لنکا کے درمیان دوسرا ٹیسٹ میچ بھی گال انٹرنیشنل اسٹیڈیم میں کھیلا جائے گا۔

پاکستان اور سری لنکا کے مابین دوسرا ٹیسٹ 24 جولائی سے شروع ہوگا جو پہلے کولمبو میں شیڈول تھا۔

ذرائع کے مطابق سری لنکا کرکٹ نے پاکستان کرکٹ بورڈ (پی سی بی) سے دوسرا ٹیسٹ میچ بھی گال میں ہی کھیلنے کی درخواست کی تھی، پی سی بی نے سری لنکا کرکٹ کی درخواست قبول کرلی ہے۔

پاکستان اور سری لنکا کے درمیان جاری پہلے ٹیسٹ میچ میں میزبان ٹیم پہلی اننگز میں 222 رنز بنا کر آل آؤٹ ہوگئی۔

ذرائع کا بتانا ہے کہ سری لنکا کرکٹ اور پی سی بی نے باہمی مشاورت کے بعد فیصلہ کیا ہے۔

واضح رہے کہ پاکستان اور سری لنکا کے درمیان جاری پہلے ٹیسٹ میچ میں میزبان ٹیم پہلی اننگز میں 222 رنز بنا کر آل آؤٹ ہوگئی۔

بشکریہ جنگ