پاک بحریہ کی کراچی میں 21 توپوں کی سلامی
پاک بحریہ کی جانب سے آج یومِ پاکستان کے موقع پر دن کا آغاز صوبائی دارالحکومت کراچی میں 21 توپوں کی سلامی سے کیا گیا۔
ترجمان پاک بحریہ کے مطابق یومِِ پاکستان کی مناسبت سے پاک بحریہ کی خصوصی تقریبات جاری ہیں۔
پاک بحریہ کے ترجمان نے مزید بتایا ہے کہ پاک بحریہ کی مساجد میں وطن عزیز کی سلامتی اور استحکام کے لیے خصوصی دعاؤں کا اہتمام کیا گیا۔
ترجمان پاک بحریہ کا یہ بھی کہنا ہے کہ پاک بحریہ کی مختلف یونٹس میں پرچم کشائی کی تقاریب منعقد کی گئیں۔
واضح رہے کہ ملک بھر میں نہایت جوش و خروش کے ساتھ یومِ پاکستان منایا جا رہا ہے۔
وفاقی دارالحکومت اسلام آباد کے شکر پڑیاں پریڈ گراؤنڈ میں یومِ پاکستان کی مرکزی تقریب منعقد ہوئی۔
تقریب میں صدرِ مملکت، وزیرِ اعظم عمران خان اور مسلح افواج کے سربراہان، وفاقی وزراء اور عوام کی بڑی تعداد نے شرکت کی۔
بشکریہ جنگ
Comments are closed.