پاک بحریہ کا سیلاب سے متاثرہ بلوچستان کے دور دراز ساحلی علاقوں میں ریلیف آپریشن

پاک بحریہ کا حالیہ بارشوں اور سیلاب سے متاثرہ بلوچستان کے دور دراز ساحلی علاقوں میں ریلیف آپریشن جاری ہے۔ مختلف علاقوں میں میڈیکل کیمپس میں لوگوں کو علاج اور ادویات کی سہولتیں اور خوراک فراہم کی گئیں۔

بلوچستان کے دور دراز ساحلی علاقوں میں ریلیف آپریشن کے دوران پاک بحریہ نے متاثرہ علاقوں میں خوراک، پینے کا صاف پانی اور دیگر ضروریات زندگی فراہم کیں۔

ترجمان پاک بحریہ کے مطابق مختلف علاقوں میں میڈیکل کیمپس میں لوگوں کو علاج اور ادویات کی سہولتیں فراہم کی گئیں۔

پاک بحریہ کے جوانوں نے لوگوں کو محفوظ مقامات پر منتقل کیا جبکہ بحریہ کے جوانوں نے مختلف علاقوں میں کھڑا پانی نکالنے میں بھی مقامی افراد کی مدد کی۔

بشکریہ جنگ