پاک آسٹریلیا وائٹ بال سیریز راولپنڈی سے لاہور منتقلی کا فیصلہ

پاک آسٹریلیا وائٹ بال سیریز کی راولپنڈی سے لاہور منتقلی کا فیصلہ کرلیا گیا ہے۔

ذرائع کے مطابق وائٹ بال سیریز کی راولپنڈی سے لاہور منتقلی کا باضابطہ اعلان جلد کیا جائے گا۔

ذرائع کا کہنا ہے کہ موجودہ ملکی سیاسی صورتحال کے باعث سیریز کو لاہور منتقل کیا جارہا ہے۔

ذرائع کا بتانا ہے کہ کرکٹ آسٹریلیا نے وائٹ بال سیریز کی منتقلی پر تحفظات کا اظہار نہیں کیا، جبکہ کرکٹ آسٹریلیا کی خواہش پر ہی پہلے وائٹ بال سیریز لاہور سے راولپنڈی منتقل کی گئی تھی۔

ذرائع کا کہنا ہے کہ کرکٹ آسٹریلیا کو موجودہ حالات میں سیریز لاہور ہونے پر کوئی اعتراض نہیں ۔

واضح رہے کہ تین ون ڈے میچز کی سیریز کا پہلا میچ 29 مارچ کو شیڈول ہے۔

بشکریہ جنگ