پاکستان کے افغانستان میں مخلوط حکومت کی تشکیل کیلئے طالبان سے مذاکرات شروع

اسلام آباد : وزیر اعظم عمران خان کاکہنا ہے کہ  پاکستان نے افغانستان میں مخلوط حکومت کی تشکیل کیلئے طالبان سے مذاکرات شروع کردیئے ہیں، مخلوط افغان حکومت نہ صرف افغانستان بلکہ خطے کے امن کے مفاد میں ہے۔

سماجی رابطے کی ویب سائٹ پر ٹوئٹ کرتے ہوئے وزیر اعظم نے کہا کہ تاجکستان کے صدر امام علی رحمن سے ملاقات کے بعد تاجک ہزارہ اور ازبک برادری کی  شمولیتی حکومت کے خاطر افغان طالبان مجاہدین سے مذاکرات شروع کردیے ہیں،افغانستان میں قیام امن کیلیے متحرک ہیں۔

40 برس کی لڑائی کے بعد (ان دھڑوں کی اقتدار میں) یہ شمولیت ایک پرامن اور مستحکم افغانستان کی ضامن ہو گی جو محض افغانستان ہی نہیں بلکہ خطے کے بھی مفاد میں ہے۔

— Imran Khan (@ImranKhanPTI) September 18, 2021

عمران خان کا کہنا تھا کہ صوبہ پنجشیر میں انسانی ہمدردی کی بنیاد پر امداد کی فراہمی جاری رکھی جائے،40 سالہ تنازع کے بعد تمام اقوام پر مشتمل حکومت افغانستان میں امن و استحکام لائے گی۔

خیال رہے کہ گزشتہ روز تاجکستان کے صدر سے ملاقات میں وزیر اعظم نے  طالبان سے محاذ آرائی نہ کرنے والے تاجک رہنماؤں کو افغان حکومت میں نمائندگی دلوانے کی یقین دہانی کروائی تھی۔