پاکستان کو قرض کے معاملے پر بلوم برگ کا آئی ایم ایف ترجمان سے رابطہ

پاکستان کو قرض کے معاملے پر بین الاقوامی جریدے بلوم برگ نے عالمی مالیاتی فنڈ (آئی ایم ایف) کے ترجمان سے رابطہ کیا ہے۔

اس حوالے سے آئی ایم ایف کا کہنا ہے کہ پاکستان سے پالیسی معاملات پر یقین دہانی چاہتے ہیں، پاکستان نے پیٹرول سبسڈی نہ دینے کی یقین دہانی کرا دی ہے۔

آئی ایم ایف کے مطابق پاکستان کے ساتھ قرض کے معاملے پر بات چیت جاری ہے، پاکستان کی جانب سے بات چیت میں تعطل کا کوئی اشارہ نہیں آیا۔

پاکستان کو جون تک قرضوں کی ادایگی کا مسئلہ درپیش رہے گا۔

اس موقع پر عالمی مالیاتی فنڈ نے عمران خان کی گرفتاری پر تبصرے سے گریز کیا۔

واضح رہے کہ رواں ہفتے بین الاقوامی جریدے بلوم برگ کی رپورٹ میں کہا گیا تھا کہ آئی ایم ایف بیل آؤٹ کے بغیر پاکستان ڈیفالٹ کر سکتا ہے۔

بشکریہ جنگ