پاکستان کرکٹ ٹیم کے اسٹیڈیم پہنچنے کے مناظر
پاکستان کرکٹ ٹیم کے ٹی ٹوئنٹی کرکٹ ورلڈکپ کے میچ میں آسٹریلیا کا مقابلہ کرنے کے لیے دبئی کرکٹ اسٹیڈیم پہنچنے کے مناظر سامنے آگئے۔
پی سی بی نے اپنے ٹوئٹر اکاؤنٹ پر ٹیم کے اسٹیڈیم پہنچنے کی ویڈیو شیئر کی ہے۔ جس میں کھلاڑی جوش و جذبے کے ساتھ بس میں سوار ہورہے ہیں۔
آئی سی سی مینز ٹی ٹوئنٹی کرکٹ ورلڈکپ 2021 کے سیمی فائنل میچ میں ناقابلِ شکست پاکستان ٹیم آسٹریلیا کو بھی دھول چٹانے کو تیار ہے، ٹیم کی بیٹنگ نمبر ون، بولنگ اٹیک بھی زوردار ہے۔
پاکستان کرکٹ ٹیم کا ہر پلیئر اسٹار ہے، شاہین آفریدی، حارث اور عماد کینگروز کو جال میں پھنسائیں گے۔
قومی کرکٹ ٹیم کے بابر، رضوان، شعیب اور آصف علی بولرز کی درگت بنائیں گے، بھارت اور نیوزی لینڈ کے بعد آسٹریلیا سے پرانا حساب کتاب چکتا کریں گے۔
پاکستان کرکٹ ٹیم کے کھلاڑی 2010 کی ہار کا بدلہ چکائیں گے، ناک آؤٹ میں کینگزوز کو زیر کرکے دکھائیں گے۔
ٹی ٹوئنٹی ورلڈ کپ میں دونوں ٹیموں نے اب تک چھ میچز کھیلے ہیں، تین، تین میچز جیت کر دونوں کا حساب برابر ہے۔
Comments are closed.