پاکستان کرکٹ ٹیم کی میچ میں سیاہ پٹیاں باندھ کر شرکت

سیلاب متاثرین سے اظہار یکجہتی کے لیے پاکستان کرکٹ ٹیم نے بھارت کے خلاف میچ میں بازوؤں پر سیاہ پٹیاں باندھ کر شرکت کی۔

کپتان بابر اعظم نے کہا کہ پاکستان میں سیلاب کی وجہ سے مشکل وقت آیا ہے، متاثرین کی مدد کریں گے۔

اننگز کے آغاز میں ہی پہلا اوور کرواتے ہوئے نسیم شاہ نے بھارتی کرکٹ ٹیم کےاوپننگ بلے باز کے ایل راہول کو صفر پر بولڈ کرکے پویلین کی راہ دکھائی۔

دوسری جانب پاکستان کرکٹ بورڈ نے انگلینڈ کے خلاف پہلے ٹی 20 کی گیٹ منی پرائم منسٹر فلڈ ریلیف فنڈ میں دینے کا اعلان کیا ہے۔

چیئرمین پی سی بی رمیز راجہ کا کہنا تھا کہ شائقین بڑی تعداد میں اسٹیڈيم آئیں تاکہ سیلاب زدگان کی مدد ہوسکے۔

بشکریہ جنگ