پاکستان کرکٹ اسکواڈ کا دوسرا گروپ کولکتہ سے دبئی کیلئے روانہ

انٹرنیشنل کرکٹ کونسل (آئی سی سی) ورلڈکپ سے باہر ہونے کے بعد پاکستان کرکٹ اسکواڈ کا دوسرا گروپ کولکتہ سے دبئی کےلیے روانہ ہوگیا۔

اسکواڈ میں شامل 22 ارکان دبئی سے اپنے اپنے شہر روانہ ہونگے۔ شاہین آفریدی، امام الحق، سلمان علی آغا، محمد نواز اور دیگر روانہ ہونے والے دوسرے گروپ میں شامل ہیں۔

کولکتہ سے دبئی روانہ ہونے والے اسکواڈ میں کوچنگ اسٹاف بھی شامل ہے۔ قومی ٹیم کے کپتان بابر اعظم سمیت 11 ارکان کا پہلا گروپ صبح کولکتہ سے دبئی روانہ ہوا تھا۔

بابر اعظم، افتخار احمد اور حارث رؤف صبح روانہ ہونے والے پلیئرز میں شامل ہیں اور اب کھلاڑی مختلف فلائٹس سے کل پاکستان پہنچیں گے۔

بشکریہ جنگ