پاکستان ویمن ٹیم کی بنگلا دیش کیخلاف میچ سے قبل بھرپور تیاریاں

ساف ویمن کپ میں پاکستان ٹیم اپنا دوسرا میچ کل بنگلہ دیش سے کھیلے گی۔

پاکستان ویمن ٹیم کی میچ سے قبل بھرپور تیاریاں جاری ہیں۔ قومی ویمن فٹبالرز نے گراؤنڈ میں بھرپور مشقیں کیں، جم میں فٹنس پر بھی کام کیا۔

پاکستان کو پہلے میچ میں بھارت نے تین۔صفر سے شکست دی تھی جبکہ بنگلہ دیش نے اپنے پہلے میچ میں مالدیپ کو تین۔صفر سے ہرایا تھا۔

پاکستان ویمن فٹبال ٹیم بنگلہ دیش کیخلاف بہتر نتائج کیلئے پر امید ہے۔

نائب کپتان ملیکہ نور کا کہنا ہے کہ جس طرح بھارت کیخلاف کھیلا اس سے ٹیم کو اعتماد ملا ہے، ہماری ٹیم بنگلہ دیش کیخلاف میچ کیلئے تیار ہے۔

میچ سے قبل کٹھمنڈو میں پاکستانی سفارتخانے کی جانب سے ٹیم کے اعزاز میں تقریب کا اہتمام کیا گیا۔

نیپال میں پاکستان کے سفیر نے قومی ویمن پلیئرز کی حوصلہ افزائی کی۔

بشکریہ جنگ