پاکستان نے ہمیشہ یوکرین تنازع کے مذاکراتی حل پر زور دیا ہے، وزارت خارجہ

وزارت خارجہ کی ترجمان ممتاز زہرہ بلوچ نے کہا ہے کہ پاکستان تنازعات کے شکار خطے کو ہتھیار فراہم نہیں کرتا۔

اسلام آباد میں صحافیوں کے سوالات کے جواب میں ممتاز زہرہ بلوچ نے کہا کہ پاکستان نے ہمیشہ یوکرین تنازع کے مذاکراتی حل کی ضرورت پر زور دیا ہے۔

ترجمان وزارت خارجہ نے مزید کہا کہ اپنی پالیسی کے مطابق پاکستان تنازعات کے شکار خطے کو ہتھیار فراہم نہیں کرتا۔

انہوں نے یہ بھی کہا کہ پاکستان نے یوکرین کو اسلحہ فراہم کیا اور نا ہی اس کا ارادہ ہے۔

ممتاز زہرہ بلوچ کا کہنا تھا کہ پاکستان اور یوکرین کے وزرائے دفاع کے درمیان 7 نومبر کو ٹیلیفونک گفتگو میں اس موضوع پر بات نہیں ہوئی۔

بشکریہ جنگ