پاکستان نیوزی لینڈ میں وائٹ بال کرکٹ سیریز کھیلنے پر رضامند

پاکستان کرکٹ بورڈ نیوزی لینڈ میں وائٹ بال کرکٹ سیریز کھیلنے پر رضا مند ہو گیا۔

ذرائع کے مطابق پاکستان اور نیوزی لینڈ بورڈز کے درمیان سیریز کے شیڈول کو حتمی شکل دینے کے لیے بات چیت جاری ہے۔

ذرائع کا کہنا ہے کہ نیوزی لینڈ کرکٹ بورڈ نے آسٹریلیا کے دورے کے اختتام پر پاکستان کو نیوزی لینڈ میں سیریز کھیلنے کی پیشکش کی تھی۔

آسٹریلیا کرکٹ ٹیم کے اوپننگ بیٹر ڈیوڈ وارنر نے ٹیسٹ کرکٹ سے ریٹائرمنٹ لینے کا فیصلہ کرلیا۔

پاکستان اور آسٹریلیا کے درمیان تیسرا ٹیسٹ میچ 7 جنوری کو سڈنی میں ختم ہو گا جس کے بعد نیوزی لینڈ دستیاب ونڈو میں وائٹ بال کرکٹ سیریز کا انعقاد چاہتا ہے۔

ذرائع کے مطابق وائٹ بال سیریز میں 3 ون ڈے یا 5 ٹی ٹوئنٹی میچز ہونے کا امکان ہے۔

بشکریہ جنگ