پاکستان میں پائلٹس لائسنس امتحانات کا دوبارہ آغاز

پاکستان میں طیاروں کے پائلٹس لائسنس امتحانات کا دوبارہ آغاز ہوگیا۔

خیال رہے کہ2020 میں پی ٹی آئی حکومت کے وزیر ہوابازی کے جعلی پائلٹس لائسنس کے متنازع بیان پر بین الاقوامی ہوا بازی کے اداروں نے پاکستان پر پائلٹ لائسنس امتحان لینے پر پابندی لگائی تھی۔

پاکستان سول ایشن اتھارٹی (سی اے اے) کے ڈپٹی ڈی جی نادر شفیع ڈار کا کہنا ہے کہ یو کے سی اے اے انٹرنیشنل کے تحت آج سے پائلٹس لائسنس امتحانات شروع ہوگئے۔

نادر شفیع ڈار کا مزید کہنا تھا کہ سی اے اے پاکستان نے پائلٹس لائسنس امتحانات کے لیے یو کے سی اے اے انٹرنیشنل سے معاہدہ کیا تھا۔

ڈپٹی ڈی جی سی اے اے نے کہا کہ پائلٹس لائسنس امتحانات کے لیے یو کے سی اے اے انٹرنیشنل سے پاکستان سی اے اے نے تین سال کا معاہدہ کیا ہے۔

انہوں نے کہا کہ پہلے مرحلے میں آج کراچی میں 100 سے زائد امیدوار پائلٹس لائسنس امتحانات دینگے جبکہ اگلے مرحلے میں اسلام آباد اور لاہور میں امتحانات ہوں گے۔

ان کا یہ بھی کہنا تھا کہ کمرشل پائلٹ اور ایئرلائن پائلٹس کیٹگری کے امتحانات کے لیے بڑی تعداد میں امیدوار رجسٹریشن کروا رہے ہیں۔

بشکریہ جنگ