پاکستان میں معاشی شرحِ نمو میں کمی کا خدشہ ہے: اے ڈی بی
ایشیائی ترقیاتی بینک (اے ڈی بی) نے پاکستان میں معاشی شرحِ نمو میں کمی کا خدشہ ظاہر کر دیا۔
ایشیائی ترقیاتی بینک (اے ڈی بی) کے مطابق رواں سال پاکستان کی اقتصادی ترقی کی شرح 4 فیصد رہنے کی توقع ہے۔
اے ڈی بی کا کہنا ہے کہ سخت معاشی اور مانیٹری پالیسی کے باعث معیشت سست روی کا شکار ہو سکتی ہے، حکومت نے جاری کھاتوں کے خسارے اور مہنگائی کو قابو کرنے کے اقدامات کیے۔
ایشیائی ترقیاتی بینک کا کہنا ہے کہ حکومت ملکی زرِ مبادلہ کے ذخائر بڑھانے کی کوشش کر رہی ہے، ان اقدامات سے معاشی شرحِ نمو 5.6 فیصد سے کم ہو کر 4 فیصد تک آ سکتی ہے۔
اے ڈی بی نے مزید بتایا ہے کہ عالمی منڈی میں تیل کی قیمتیں بڑھنے سے پاکستان میں مہنگائی میں اضافے کا امکان ہے۔
ایشیائی ترقیاتی بینک (اے ڈی بی) کا یہ بھی کہنا ہے کہ بین الاقوامی مارکیٹ میں کھانے پینے کی اشیاء کی قیمتیں بڑھ رہی ہیں۔
Comments are closed.