پاکستان میں مئی میں معمول سے زیادہ بارشوں کا امکان

پاکستان میں اس سال مئی میں بھی معمول سے زیادہ بارشوں کا امکان ظاہر کیا جا رہا ہے۔

موسمیاتی تجزیہ کار کے مطابق بین الاقوامی فورکاسٹنک ماڈلز مضبوط مغربی ہواؤں کے سلسلے کی نشاندہی کر رہا ہے، 28 اپریل سے 5 مئی کے دوران یہ سسٹم ملک پر اثر انداز ہو سکتا ہے۔

انہوں نے بتایا کہ یہ 2023ء کا اب تک کا سب سے مضبوط بارشوں کا سسٹم ہو سکتا ہے، ماڈلز کراچی سے کشمیر تک مسلسل بارشوں کی پیشگوئی کر رہے ہیں۔

سبی، چمن، پشین، قلعہ عبداللّٰہ، لورالائی، ڈیرہ بگٹی اور کوہلو میں بھی آندھی کے ساتھ طوفانی بارش ہوئی ہے۔

موسمیاتی تجزیہ کار نے کہا ہے کہ اس سسٹم کے تحت ملک کے مختلف مقامات پر تیز بارشیں، ژالہ باری اور آندھی کا امکان ہے۔

انہوں نے یہ بھی کہا ہے کہ یہ طویل دورانیے کی پیش گوئی ہے جس میں تبدیلی بھی ممکن ہے۔

بشکریہ جنگ