پاکستان ریلوے کا عید پر دو خصوصی ٹرینیں چلانے کا اعلان

پاکستان ریلوے نے عید الفطر کے موقع پر کراچی سے دو خصوصی ٹرینیں چلانے کا اعلان کردیا ہے۔

ریلوے حکام کے مطابق ایک خصوصی ٹرین کراچی سے لاہور اور دوسری پشاور کے لیے چلائی جائے گی۔

پاکستان ریلوے کے اعلامیے کے مطابق پہلی خصوصی عید ٹرین 29 اپریل کو دوپہر ڈھائی بجے سٹی اسٹیشن سے پشاور کے لیے روانہ ہوگی۔

اعلامیے کے مطابق عیدالفطر پر دوسری خصوصی ٹرین 30 اپریل کو پونے آٹھ بجے کینٹ اسٹیشن سے لاہور کے لیے روانہ ہوگی۔

بشکریہ جنگ