پاکستان اور گلف کارپوریشن کونسل کے آزاد تجارتی معاہدے پر دستخط

پاکستان اور گلف کارپوریشن کونسل کے درمیان آزاد تجارتی معاہدے پر دستخط ہو گئے۔

نگراں وفاقی وزیرِ تجارت گوہر اعجاز کا کہنا ہے کہ خلیجی ممالک نے 2009ء کے بعد کسی بھی ملک کے ساتھ پہلا آزاد تجارتی معاہدہ کیا ہے۔

ان کا کہنا ہے کہ معاہدے سے خلیجی ممالک کے ساتھ تجارت کا حجم کئی گنا بڑھے گا۔

ملاقات میں دونوں شخصیات کے درمیان باہمی تعاون کو فروغ دینے پر بھی تبادلہ خیال ہوا۔

گوہر اعجاز کا کہنا ہے کہ اس معاہدے کے تحت لاکھوں پاکستانیوں کو گلف ممالک میں روزگار میسر آئے گا۔

انہوں نے مزید بتایا کہ 70 ارب ڈالرز کی سرمایہ کاری جلد آنے کی راہ ہموار ہو گئی ہے، یہ شروعات ہیں، ابھی مزید ایسے کئی معاہدے کرنا ہوں گے۔

نگراں وفاقی وزیرِ تجارت گوہر اعجاز کا یہ بھی کہنا ہے کہ پاکستان کی برآمدات کو 2 سال میں80 ارب ڈالرز پر لے جانا پہلا ہدف ہے۔

بشکریہ جنگ